நகரத்து மாடு

ஆடி அசைந்து இலட்சுமி மாடு  நடந்துவந்தது
அப்படி இப்படி பார்த்து பார்த்து நடந்துவந்தது
வீட்டு  அருகில் வந்ததுமே நின்று பார்த்தது
விவரம் புரிந்த அம்மா உள்ளே சென்றனள்

கழுத்தை ஆட்டி மாடு எனக்கு வணக்கம் சொன்னது
கண்ட உடனே எனக்கும பெரு மகிழ்ச்சி நிறைந்தது
எழுத்து கூட்டி சுவரொட்டியை படிக்கத் தொடங்கினேன்
எளிதாய்  மாடும் சுவரொட்டி கிழித்து தின்றது

உள்ளேயிருந்து  அம்மா கஞ்சித் தண்ணீர் கொண்டு வைத்தாள்
உறிஞ்சிக் குடித்து மாடும் சோற்றை மென்று சுவைத்தது
எல்லா நாளும் வரும் மாட்டை சிலநாள் காணல
எழிலன் சந்தையில் பார்த்ததாக என்னிடம் சொன்னான்

காடுவயல் கழனியெல்லாம் மேய்ந்திடும் மாடு
கான்கிரீட்டு காடுகளால் அடைந்ததே தொல்லை
நாடுவிட்டு  நாடுசென்ற  ஏதிலி போலே
நகரத்து மாடுகளும் ஆனது தானே