குடை

மரத்தைப் போலே நிழல்தருவாய்
மழையில் குளித்து ஆடிடுவாய்

கம்பிகள் கையாய் நீட்டிடுவாய்
நம்பிக்கை யோடே காத்திடுவாய்

வீட்டுக்குள் சென்றால் கைகட்டி
கூட்டுக்குள்அடங்கி முடங்கிடுவாய்

மழையும் கானல் ஆனதுவே
மழலையர் மகிழ்ச்சி போனதுவே

குடையே மழையில் நானாட
தடையாய் நீயும் இருக்காதே

உடையும் நனைந்தால் உலர்ந்திடுமே
நடையைக் கட்டு வீட்டுக்கு

வேண்டாம் கோபம் கோடையிலே
மீண்டும் வருவ1ய் காத்திடவே

தீபாவளி

தீபங்களின் பெருநாள்
தீபாவளித் திருநாள்

காலையிலே எழுந்து
தலையில் எண்ணெய் தேய்த்து

குளித்து புத்தாடை உடுத்தி
கும்பலாக உண்டு

பட்டாசு வெடித்து
பலகாரம் கொடுத்து

கொண்டாடும் திருநாள்
எந்நாளும் கரிநாள்

தித்திக்கும் திருநாள்
எத்திக்கும் மகிழ்நாள்