மரம்

மண்ணில் வளரும் நிழற்குடை
விண்ணின் நண்பன் மழைக்குடை
தண்ணீர் உறிஞ்சி வளர்ந்திடும்
கண்ணில் குளுமை வழங்கிடும்

நச்சுக் காற்றை சுவாசிக்கும்
நல்லக் காற்றை வெளியிடும்
உச்சி நோக்கிச் சென்றிடும்
உயர்வை நமக்கு போதிக்கும்

கிளைகள் அசைத்துப் பேசிடும்
கிளிகள் அமர்ந்தால் பழந்தரும்
இலைகள் பச்சயம் தயாரிக்கும்
இனிதாய் மரமும் வாழ்ந்திடும்

வேர்கள் பரப்பி நின்றிடும்
வேற்றுமை இன்றி நிழல்தரும்
ஊர்கள் முழுதும் வளருங்கள்
உலகம் செழிக்க உதவுங்கள்