பாப்பாவுக்குப் பிறந்த நாள்
பாட்டுப்பாடி மகிழும் நாள்
அப்பா அம்மா நண்பர்கள்
அன்பாய் வாழ்த்தும் பொன்னாள்
கேக்கு வெட்டித் தோழியர்
கேலிப் பேசல் தவிர்த்தாள்
பாக்கு இடிக்கும் பாட்டியின்
பாச வாழ்த்தைப் பெற்றாள்
அனாதை இல்லம் சென்றாள்
அவரோடு உணவு உண்டாள்
வீணா காமல் நேரம்
விளையாடி மகிழ்ந்தாள்
பிறந்த நாளில் எளியோர்
பசியைப் போக்கும் பழக்கம்
சிறந்த தொண்டின் தொடக்கம்
சிறுவர் சிறுமியர் உணர்வோம்
பூக்கள் போலச் சிரிப்போம்
பூமிச் சூட்டைக் குறைப்போம்
ஊக்கம் கொண்டு உழைப்போம்
உயர்வை அடைய நினைப்போம்
No comments:
Post a Comment