காகம்

மூக்கை முன்னால் நீட்டி
முகத்தை ஆட்டி ஆட்டி
காக்கை ஒன்று வந்தது
கழுத்தை நீட்டி அழைத்தது




அம்மா திரும்பிய வேளை
அலகால் மீனைக் கொத்த
சும்மா பறந்து வந்தது
சுற்றித் திரும்பிச் சென்றது

சோறு வைக்க அம்மா
சாலையில் வந்து நின்றாள்
பார்த்து 'கா'கா' என்றாள்
பறந்து வந்ததுக் கூட்டமாய்

இனத்தைச் சேர்த்துக் கூட்டி
இறையை உண்ணும் காக்கை
குணத்தைக் கற்றுக் கொண்டால்
குறையே இல்லை வாழ்வில்