பசு

சந்தைக்குப் போன அப்பா
சாயங்காலம் வந்தார்
பந்தை போட்டு நானும்
பார்க்க ஓடி வந்தேன்

கையில் பசு மாடு
கழுத்தில் மணி மாலை
பையில் காசு இல்லை
பார்க்க அழகு கொல்லை

மாதம் சில ஆனதும்
மழலைக் கன்றை ஈன்றது
கீதம் பாடி ஆடினோம்
கன்றை துரத்தி ஓடினோம்

பாலைக் கொடுத்தது பசுமாடு
பரவசம் கொடுத்தது கன்றுக்குட்டி
நாளும் மகிழ்ச்சிக் கொண்டாட்டம்
நடக்குது கன்றோடு தொடரோட்டம்